مال کے برابر قرض ہو تو کیا زکاۃ واجب ہے؟

Question

حضرت مولانا صاحب السلام علیکم ۔ 
عرض گزارش ہے کہ یہاں قریب قریب ایک شخص چالیس سال کا ہے، ان کے پاس خود کی چالیس ایکڑ کی زمین ہے، اس کے علاوہ پندرہ بیس گائے بیل بھی ہیں ، علاوہ دس بکریاں بھی ہیں۔ اور بڑے لڑکے کی شادی کرنے پر جہیز میں آٹھ تولہ سونا بھی ملا قریباً  ۱۰ / ۱۵  تولہ چاندی بھی ملی ہے۔ مگر سونا چاندی بہو کے قبضہ میں ہے۔ مگر باپ بیٹا سب ایک ہی ساتھ ہیں، الگ نہیں ہیں، مگر کھیتی کم آنے سے بیچ کی کمی آتی ہے، کھیت سے ان کو چھ ہزار کی فصل ہو جاتی ہے، مگر آج چھ سال سے  پندہ ہزار کا قرض چلا آتا ہے۔ لیکن مہا جن لوگوں کو کچھ کچھ قرض دے کر بھی سات آٹھ ہزار کا قرض برابر برابر رہ جاتا ہے۔ اور وہ اپنے گھر میں کھانے کے لیے اور کچھ کھیت میں بیچ ڈالنے کے لیے دو ہزار کا دھان رکھ لیتے ہیں۔ ایک سال کے لیے اگر ایسی صورت میں پورا قرضہ چکانا چاہیں گے تو گھر میں کھانے پینے کے لیے کچھ بھی نہیں بچے گا اور پورا قرض بھی ادا نہ ہوگا۔ تو ان سب حالت میں زکوۃ دینا، قربانی کرنا اور صدقہ و خیرات دینا جائز ہے یا نہیں؟ براہِ کرم سوال کا جواب عنایت کریں۔ میں منتظر رہوں گا۔

فقیہ اہلِ سنت مفتی عبدالحلیم رضوی اشرفی · Accepted Answer

الجواب بعون الملك الوهاب
صورت مسئولہ میں زکوۃ واجب نہ ہوگی ، البتہ صدقہ فطر اور قربانی واجب ہوگی ۔ زمین کی پیداوار آسمانی یا سیلاب کے پانی سے سیراب ہوتی ہے تو اس پیداوار میں عشر یعنی دسواں حصہ اور اگر پانی باہر سے دینا پڑتا ہے بغیر پانی دیے فصل نہ ہو گی تو ایسی زمین کی پیداوار میں نصف عشر یعنی بیسواں حصہ دینا واجب ہے۔ قرض عشر سے روکنے والی چیز نہیں ۔ فقط

Maal ke barabar qarz ho toh kya Zakat wajib hai?

📚 حوالہ

🔬 تحقیقی رہنما

سنی فتویٰ نیوزلیٹر

Maal ke barabar qarz ho toh kya Zakat wajib hai?

📚 حوالہ

🔬 تحقیقی رہنما

🔗 متعلقہ فتاویٰ

غیر مسلم کو زکاۃ دینا جائز نہیں

پی ایف (P.F) اور لائف انشورنس ( Life Insurance) کی زکاۃ کا حکم

⚠️ غلطی کی نشاندہی

سنی فتویٰ نیوزلیٹر