موت کے بعد مہر ادا کرنا یا زیادتی مہر کو واپس لینا کیسا ؟

الجواب بعون الملك الوهاب

زید نے اپنی حیات میں اپنی بیوی کو مقررہ مہر سے زیادہ نقد یا مقررہ مہر سے زیادہ کی مالیت کا کوئی سامان یا کوئی جائداد دیدی اور بیوی نے اس پر قبضہ بھی کر لیا تو اب زید کے انتقال کے بعد مہر سے زیادہ دئے ہوئے حصے میں نہ ترکہ تقسیم ہو گا اور نہ وارثین کو اس میں سے کچھ لینے کا کچھ حق ہوگا۔ ہاں اگر زید اپنی بیوی کا مہر ادا کیے بغیر انتقال کر گیا تو اس کے مال متروکہ سے تجہیز و تکفین کے بعد پہلے مہر ادا کیا جائے گا۔ کیوں کہ مہر دینا واجب ہے۔ پھر بچے ہوئے مال اگر اس نے وصیت نہیں کی ہے تو وارثین پر حسب حصہ تقسیم ہوں گے۔