کافروں کے یہاں جاکر ان کے کھانوں پر فاتحہ دینا اور ان کے یہاں کھانا پینا کیسا ہے؟

بِسْمِ اللہِ الرَّحْمٰنِ الرَّ حِیْم

(1) کافر کی کوئی نیاز اور کوئی بھی عمل قبول نہیں ، نہ ہرگز اس پر ثواب ممکن جسے پہنچایا جائے۔

قَالَ اللهُ تَعَالیٰ : وَ قَدِمْنَاۤ اِلٰى مَا عَمِلُوْا مِنْ عَمَلٍ فَجَعَلْنٰهُ هَبَآءً مَّنْثُوْرًا(۲۳) (س فرقان ۲۵، آیت (۲۳)

اس کے کھانے پر فاتحہ دینا اس کے ثواب پہنچنے کا اعتقاد کرنا ہے اور یہ قرآن پاک کے خلاف ہے جو شخص ایسا کرے اس پر تو بہ فرض ہے بلکہ تجدید اسلام و نکاح بھی چاہئے۔ ایسا ہی فتاوی فیض الرسول جلد دوم ص ۶۵۳ میں ہے۔ ہاں یہ ہو سکتا ہے کہ کافر کی شیرینی لے کر اپنی کر کے فاتحہ دے دے۔

حضور مفتی اعظم ہند علیہ الرحمۃ والرضوان فرماتے ہیں:  ' ہندو سے شیرینی لے کر اپنی کر کے اپنے آپ فاتحہ دے کر اپنی سمجھ کر تقسیم کر دیں ۔ (فتاوی مصطفویہ، ص ۴۵۳) لیکن فاتحہ کے بعد انہیں فاتحہ کی شیرینی نہ دی جائے ۔ واللہ تعالیٰ اعلم

الجواب صحیح : محمد نظام الدین رضوی برکاتی

 الجواب صحیح: محمد ابرار احمد امجدی برکاتی

كتبه : شمس الدین احمد علیمی

۷/ رجب المرجب ۱۴۲۵ھ