نکاح میں وکیل بنانے کا صحیح طریقہ

الجواب بعون الملك الوهـــاب

اس کا صحیح طریقہ یہ کہ زید وکیل ہندہ سے اپنی وکالت کی اجازت لے لے ہندہ جب زید کو اپنے نکاح کا وکیل بنادے تو دو گواہوں کے سامنے زید محمود سے ایجاب کرائے ایجاب کرانے کی صورت یہ ہے کہ زید وکیل یوں کہے : فلاں کی لڑکی ہندہ بعوض مبلغ پانچ سوروپے سکہ رائج الوقت میری وکالت سے ان دو گواہوں کے سامنے آپ کی زوجیت میں دی ہے آپ نے قبول کیا؟ اگر محمود کہتا ہے کہ میں نے قبول کیا تو نکاح ہو گیا۔ زید وکیل کو یہ حق نہیں کہ وہ ہندہ کے نکاح کا وکیل بنے اور خالد قاضی سے کہے کہ آپ ایجاب کرا دیجئے ، ہاں زید کے ایک دفعہ ایجاب کر ا دینے کے بعد اگر خالد قاضی زید کی وکالت سے انہیں الفاظ کو دہرادے تو کوئی حرج نہیں ۔ فقط

والله اعلم باالصواب و رسوله صلى الله عليه وسلم