پیر صاحب کا یہ کہنا ”روزانہ میری ملاقات کے لیے بزرگانِ دین آتے ہیں“ عند الشرع کیسا ؟

الجواب بعون الملك الوهـــاب

بزرگانِ دین کا کسی سے ملاقات کر لینا ان کی عنایات پر موقوف ہے۔ وہ جسے چاہیں شرفِ  زیارت سے نوازیں۔ لیکن پیر صاحب مذکور کا اعلان کرنا کہ بزرگانِ دین ہم سے ملاقات کے لیے آیا کرتے ہیں۔ بالفاظ دیگر اپنی کرامت و ولایت کا اعلان کرنا ہے حالاں کہ ولی اپنی ولایت کو چھپاتے ہیں۔ لہذا پیر صاحب کا قول شریعت کی کسوٹی پر ثابت نہ ہونے کی وجہ سے نامعتبر ہوگا۔ فقط

والله اعلم باالصواب و رسوله صلى الله عليه وسلم