تعلیم کے لیے عمر کی کوئی قید نہیں

محترمی ومکرمی السلام علیکم ورحمۃ اللہ و برکاتہ
(1) لڑکے اور لڑکیوں کے لیے دینی تعلیم سیکھنا کس عمر سے ضروری ہے۔ کیوں کہ آج کل بچوں کے ماں باپ کو ہی علم نہیں ہے۔ دینی تعلیم سے بالکل ناواقف ہیں، ماں باپ کی نصیحت بچوں پر آج کل نہیں ہے، ماں باپ سے بچوں کی تباہی ہو رہی ہے۔ کس عمر سے بچوں کو دینی تعلیم پانے کے لیے ماں باپ استاد کے پاس بھیجیں؟ بالکل چھوٹے چھوٹے بچے مسجدوں میں آکر بازار بنارکھے ہیں۔ اگر استاد بچوں کو مارا یا ڈرایا تو ماں باپ استاد سے جھگڑا کرنے کے لیے تیار ہو جاتے ہیں ۔ لڑکے لڑکیوں کو کس عمر سے مدر سے  میں داخل کرنا چاہیے؟ یہ مسئلہ لکھ کر روانہ کریں گے۔

(2)  اور شیعہ مذہب امام کے پیچھے حنفی لوگوں کے لیے نماز پڑھنا جائز ہے یا نہیں؟ اور شیعہ مذہب والا کوئی مر گیا تو حنفی امام جنازہ پڑھا سکتا ہے یا نہیں؟ اس مسئلہ کو حل کر کے روانہ کریں؟  شیعہ والوں کے گھروں میں حنفیوں کے لیے کھانا کھانا جائز ہے یا نہیں اور کھانے کی دعوت قبول کرنا کیسا ہے؟ فقط