اللہ پاک صبر کرنے والوں کے ساتھ ہے ، اس سے مراد

اگر آپ نے یہ جملہ نہیں کہا ہے کہ "صبر کرنے والے گنہگار انسان جب جہنم میں جائیں گے تو خدا بھی اس انسان کے ساتھ جہنم میں جائے گا" مگر طلبہ اس جملہ کو آپ کی طرف منسوب کرتے ہیں تو وہ سخت گنہگار ہیں، تو بہ کریں اور اگر طلبہ  نے اس جملہ کو بطور معارضہ پیش کیا کہ جب اللہ تعالیٰ صبر کرنے والوں کے ساتھ ہے تو کیا صبر کرنے والے گنہگار انسان جب جہنم میں جائیں گے تو خدا بھی اس انسان کے ساتھ جہنم میں جائے گا،   تو انہوں نے اپنی جہالت سے معیت مکانی سمجھ کر معارضہ پیش کیا حالانکہ معیت سے مراد، معیت بالعون والنصر ہے جو متقین، محسنین اور صابرین کے ساتھ خاص ہے جیسا کہ تفسیروں میں مذکور ہے:  المعية بالعون والنصر وهذه خاصة بالمتقين والمحسنين والصابرين اور یا تو ان کا مقصد یہ تھا کہ آپ نے معیت کے معنی کی تشریح نہیں کی، جو عوام کے لئے ضروری تھی،  بہر حال اس انداز کی گفتگو سے احترام لازم ہے۔ وھو تعالی اعلم

جواب نوٹ : استفتاء کی عبارت سے ظاہر یہ ہے کہ کسی نے خدا تعالیٰ کو جہنمی نہیں قرار دیا ہے لیکن اگر کوئی خدا تعالیٰ کو جہنمی قرار دے نعوذ بالله من ذلك تو اس کا نکاح ضرور ٹوٹ جائے گا کہ یہ صریح کفر ہے۔

كتبه: جلال الدین احمد الامجدی

۱۵/ذی الحجه ۱۳۹۸ھ